Новы прэзідэнт ФІФА Джані Інфанціна ўжо ў пачатку знаходжання на пасадзе вырашыў не заседжвацца ў кабінеце. Ён запрасіў сусветных зорак мінулых гадоў (сярод якіх Андрэй Шаўчэнка, Луіш Фігу і Фабіа Канавара) і на полі штаб-кватэры ФІФА правёў таварыскі матч. Зазначым, у адным з гульнявых момантаў швейцарац не выкарыстаў цудоўны момант для ўзяцця варот.
Гэта быў выдатны дзень, заявіў Інфанціна. Але зараз пачнецца сапраўдная праца. Мы павінны дабіцца таго, каб наша арганізацыя асацыявалася толькі з добрым. Словы прэзідэнта ФІФА ўдастоіліся апладысментаў ад удзельнікаў матча.
