Раўбічы ў выхадныя жылі біятлонам. "Снежны снайпер - 2019" зноў папаў у цэль - напярэдадні прайшлі фінальныя гонкі. Выніковы дзень выдаўся эстафетным, барацьба атрымалася ўпартай. Аб вялікім фінале маленькай Алімпіяды біятланістаў-аматараў раскажа Ян Пашкевіч.
Перайсці ў рэжым трэнера тут ужо гатовы кожны ўдзельнік зборнай - гэта старэйшая група снежных снайпераў, і амаль ва ўсіх юных спартсменаў гэта не першы старт на вялікай лыжні ў Раўбічах.
А вось падзарадкай спартсменаў займаліся балельшчыкі - на арэне іх сабралося каля трох тысяч. Калорыі тут гарэлі не менш, чым на трасе - трыбуны далучылі ўсе спецэфекты - дудкі, крычалкі і нават барабаны.
Такая імклівая хваля падтрымкі надае сіл дабрацца да фінішу. Аднак пасля трох кіламетраў снежнага ралі нават устойлівыя спартсмены ледзь трымаюцца на нагах.
На дыстанцыі ўсё па-даросламу - дзіцячага памеру толькі экіпіроўка ўдзельнікаў. Кожны ўдзельнік эстафеты пакідае за сабой два агнявыя рубяжы і дзясяткі снежных віражоў дзеля незабыўнага імгнення, калі апынешся па іншы бок фінішнай рысы.
І хоць рызыка барацьбы яшчэ абпальвала снежную лыжню, многія ўдзельнікі ўжо пачалі сумаваць па незабыўных момантах барацьбы і дружбы маленькай Алімпіяды ў Раўбічах.
А тым часам больш як паўтары сотні юных спартсменаў сталі яшчэ бліжэй да алімпійскага золата, хоць і на некалькі імгненняў - узнагароды і персанальныя сувеніры пераможцам уручыла Дар'я Домрачава.
І адразу ж пасля інтэрв'ю ў кірунку Дар'і накіравалася яшчэ больш камер - кожны маленькі прыхільнік зрабіў фота з алімпійскай чэмпіёнкай, а многія нават трапілі на яе старонку ў Instagram.
Абсалютным жа чэмпіёнам эстафетнага дня стаў Мінск - яго зборныя апынуліся нястрымнымі ва ўсіх узростах. Сталічная ж каманда стала наймацнейшай у агульнакамандным рэйтынгу. Следам - Мінская і Гомельская вобласці. Зацішша ў Раўбічах прадоўжыцца ўсяго тыдзень - 18 лютага чарговы біятлонны ўраган разгуляецца ўжо на "Гонцы легенд".
