І як стала вядома, наступны чэмпіянат Еўропы па фігурным катанні пройдзе ў горадзе Грац.
Міжнародны саюз канькабежцаў ужо 12-ты раз падае Аўстрыі права на правядзенне спаборніцтваў. А вось Грац кантынентальны чэмпіянат прыме ўпершыню.
Крысціяна Мёрт, старшыня Аўстрыйскага саюза канькабежцаў:
"Мы ўжо даўно не прымалі чэмпіянат Еўропы па фігурным катанні ў нас. У апошні раз гэта было ў 2000 годзе. І мы лічым, што горад Грац падыходзіць для яго правядзення. Ён мае блізкую інфраструктуру і ўсе шляхі да арэны зручныя".
Алаізія Вёргетэр, Надзвычайны і Паўнамоцны Пасол Аўстрыі ў Беларусі:
"Я магу сказаць, што Беларусь чарговы раз даказвае сваю значнасць у спорце. Зараз у Мінск прыбыла аўстрыйская дэлегацыя, каб пераняць вопыт у арганізацыі такіх мерапрыемстваў. Мы спадзяёмся, што ўсё атрымаецца. І ў наступным годзе чэмпіянат пройдзе на такім жа годным узроўні".
Аўстрыйская дэлегацыя афіцыйна прадставіць горад Грац у якасці наступнай сталіцы чэмпіянату Еўропы па фігурным катанні сёння ў "Мінск-Арэне".
