Футбольны сезон скончыўся, а вось біятлонны толькі пачынаецца. Шведскі Эстэрсунд па традыцыі прымае першы этап Кубка свету. Лепшыя спартсмены разыгралі медалі ў суперміксце і змяшанай эстафеце. У апошняй гонцы прымала ўдзел і наша трохразовая алімпійская чэмпіёнка Дар'я Домрачава.
Сёння, на жаль, не атрымалася падняцца на п'едэстал. Але наперадзе галоўны старт чатырохгоддзя - Алімпіяда ў Пхёнчхане. З якім настроем і планамі каманды ўваходзяць у новы сезон, у Эстэрсундзе сочыць наш карэспандэнт Ганна Эйсмант. У яе ўсе падрабязнасці.
Гонар адкрыць новы біятлонны сезон выпаў сінгл міксту - гэта досыць маладая дысцыпліна і неалімпійскі від праграмы, і тым не менш ачкі, заробленыя ў гэтай гонцы, ідуць у залік Кубка нацый і профільны эстафетны залік. Каманда складаецца з двух спартсменаў - мужчыны і жанчыны. Сёння выступілі 23 пары - Беларусь прадставілі Ірына Крыўко і Антон Смольскі.
Ірына яшчэ ўчора прызнавалася ў інтэрв'ю нашаму каналу, што нярвуецца: яна першай з беларусак стартавала на этапе ў Эстэрсундзе.
