Да старту Алімпійскіх гульняў менш як месяц, а адзін медаль у нас ужо ёсць. Сяргей Далідовіч, які стаў ў Сочы 5-ым у марафоне, атрымае бронзавую ўзнагароду пасля дыскваліфікацыі двух расійскіх лыжнікаў. Чакаецца, у Пхёнчхане, у сталіцы найбліжэйшай зімовай Алімпіяды, адбудзецца цырымонія, на якой будуць уручаныя медалі папярэдніх Гульняў.
У зборнай Беларусі на сёння 24 ліцэнзіі, колькасць, верагодна, павялічыцца. А дакладную лічбу мы даведаемся напрыканцы студзеня - паведамілі ў Нацыянальным алімпійскім камітэце. Блізкі да атрымання ліцэнзіі і 44-гадовы Сяргей Далідовіч, для якога галоўныя Гульні чатырохгоддзя могуць стаць сёмымі ў кар'еры, гэта значыць з 1994 года ён не прапусціць ніводнай Алімпіяды.
Аб спартыўных мэтах, аб пачуццях, калі атрымае такую важную ўзнагароду, і аб захапленні сацыяльнымі сеткамі на пятым дзясятку гадоў - Сяргей Далідовіч аб усім гэтым расказаў Андрэю Казлову.
Сочынская Алімпіяда ў яркай кар'еры Сяргея Далідовіча павінна была стаць апошняй. Яшчэ напярэдадні наш знакаміты лыжнік абвясціў аб такім рашэнні. Абмовімся, на той момант Далідовіч ужо не ўпершыню спрабаваў расстацца з прафесійным спортам, але той яго не адпускаў.
На п'едэстале сочынскага марафона трыа расіян: Лягкоў, Вылягжанін і Чарнавусаў. Безумоўны трыумф лыжных гонак Расіі. Бо марафон тут самая непрадказальная і цяжкая дыстанцыя. Таму пятае месца Далідовіча, якому на той момант было 40 гадоў, бачылася таксама перамогай.
Студзень 2018 года. Мінск. Праз чатыры гады пасля папярэдніх Зімовых гульняў Далідовіч па-ранейшаму не толькі ў страі, але і паказвае самыя высокія вынікі ў нацыянальнай камандзе. І трэніруецца без перапынку - гэтым кадрам літаральна некалькі дзён. Не перашкаджае нават адсутнасць снегу. Але вернемся некалькі назад.
Раўбічы - лета мінулага года. Махавік дыскваліфікацый Міжнароднага алімпійскага камітэта за допінгавыя парушэнні расійскіх спартсменаў раскруціўся толькі да канца 2017 года, але ўжо тады чуткі аб тым, што пацерпяць і расійскія лыжнікі, ужо не лічыліся нават чуткамі.
Тым не менш у Далідовіча іншыя пытанні: у нацыянальнай камандзе трэнерскі штаб яго ўжо не бачыў. Праз краўдфандынгавую платформу ён аб'яўляе збор сродкаў для падрыхтоўкі да Алімпіяды ў Пхёнчхане, збірае неабходную суму, аднак да таго моманту ён ужо зноў у зборнай - вынікі гаварылі самі за сябе. Але тыя падзеі падштурхнулі Сяргея да актыўнага карыстання сацыяльнымі сеткамі. Падыход тут, пагадзіцеся, творчы.
У свае 44 ён з задавальненнем карыстаецца "Інстаграмам", дзе яго падпісанты, колькасць якіх расце з кожным днём, даведваюцца пра тонкасці віду спорту.
Такія кадры паказваюць беларускія лыжныя гонкі цалкам з іншага боку. Бо нават зрабіць сэлфі для Далідовіча ўжо не праблема. Майстар-клас вашай увазе.
Вернемся ў дзень сённяшні. Паміж стартамі, бо нашу краіну снег у гэтым сезоне не песціў, Сяргей вяртаецца на дзень-два дахаты, каб убачыць сям'ю. Далідовіч паспяховы не толькі ў спорце - ён таксама бацька трох цудоўных дочак - гэта самая малодшая.
Міжнародны алімпійскі камітэт у выніку дыскваліфікуе двух расіян - Лягкова і Вылягжаніна - і забірае ў тых медалі Гульняў - бронза на сёння ў Далідовіча.
Менш як праз месяц - зноў вялікі спартыўны пік. Калі ўсё складзецца добра, то для Далідовіча Алімпійскія гульні стануць ужо 7-мі ў кар'еры - гэта звышдасягненне. А для беларускага спорту яно і зусім унікальнае: Сяргей пакуль не прапусціў ніводную Алімпіяду ў суверэннай гісторыі Беларусі. Кожны выхад на старт у такім разе будзе перамогай.
