На мундыяле групавы этап у квартэце В завяршыўся нечакана. Зборная Іспаніі не змагла перамагчы каманду Марока - 2:2, але ўсё роўна прабілася ў плэй-оф з першага месца. За выхад у чвэрцьфінал "Чырвоная фурыя" паспрачаецца з гаспадарамі мундыялю - расіянамі. Другая каманда чацвёркі - Партугалія - згуляе з пераможцам квартэта А - Уругваем. Дзеючыя чэмпіёны Еўропы напярэдадні не справіліся з Іранам - нічыя 1:1.
А сёння вызначацца яшчэ два ўдзельнікі плэй-оф. У групе С французы застануцца ў лідарах, калі не саступяць датчанам. У 16:50 прамая трансляцыя на "Беларусь 5". А на "Беларусь 2" у гэты час згуляюць Аўстралія і Перу. Чацвёрка D уступіць у барацьбу ў 20:50, харваты ўжо ў накаўт-раўндзе. А вось аргенцінцам трэба перамагаць каманду Нігерыі, каб фінішаваць другімі, інакш далей пройдуць афрыканцы.
Нагадаем, агляды ўсіх сустрэч даступныя але YouTube-канале "Беларусь 5" і ў групах АТН у сацыяльных сетках.
