Зборная Беларусі па хакеі правядзе матчы Еўравыкліку супраць Нарвегіі

Заключная рэпетыцыя. Зборная Беларусі па хакеі за тыдзень да старту чэмпіянату свету правядзе матчы Еўравыкліку супраць Нарвегіі. Сёння каманды згуляюць у Жлобіне, у суботу - у Бабруйску. Абодва паядынкі пакажа тэлеканал "Беларусь 5". Пачатак сустрэч у 7 вечара. А планетарны турнір для нашай каманды стартуе 4 мая гульнёй супраць Швецыі. У поўным аб'ёме чэмпіянат свету пакажа тэлеканал "Беларусь 5".