Зборная Беларусі па футболе зарабіла павышэнне ў класе Лігі нацый. Наступны розыгрыш яна пачне ў дывізіёне С. Але самае галоўнае - наша каманда знаходзіцца на адлегласці двух пераможных матчаў ад чэмпіянату Еўропы. Так блізка да топ-турніру нашы футбалісты яшчэ ніколі не былі. Усе гэтыя высновы былі зробленыя пасля перамогі ў Сан-Марына. Адтуль перадае Мікалай Стула.
На 9-й хвіліне матча Станіслаў Драгун выводзіць беларусаў наперад і ўвечар нядзелі становіцца лепшым бамбардзірам Лігі нацый. Каб беларус забіў больш за ўсіх на кантыненце ў нейкім турніры, такога не было ніколі. Хуткі гол супакоіў усіх канчаткова. Тры ачкі каманда не аддасць, а для агульнай перамогі ў групе хапіла б і нічыёй.
Госці да канца матча забілі яшчэ адзін гол - яго аўтар Антон Сарока, а наогул маглі разграміць Сан-Марына, шмат момантаў выпусцілі. Але гэтая перамога 2:0 успрымалася, як і мае быць, будзённа, усё ж супрацьстаялі нашым не прафесійныя футбалісты.
Удзел у плэй-оф Лігі нацый, напэўна, прымусіць прабіць кар'еру лепшага беларускага гульца сучаснасці Аляксандра Глеба. Вялікі футбаліст, які так і не пагуляў на топ-турніры за зборную. І вось шанц з'явіўся ў 37 гадоў. Праз паўтара года зборнай трэба выйграць паўфінал і фінал у дывізіёне D.
Каманда, якая не прайгравае і не прапускае. Зборная Беларусі выйшла ў плэй-оф Лігі нацый і выканала абавязковую праграму. Увесну 2020 гульні за мару. Чатыры каманды, якія ніколі не былі на топ-турнірах, паспрабуюць туды прабіцца.
