Футбольны сезон у Беларусі амаль завяршыўся. У нашай краіне засталося толькі правесці апошнія матчы ў нацыянальным першынстве ў Вышэйшай лізе і дамашнія матчы еўракубкаў. На гэтым тыдні на Барысаў-Арэне БАТЭ будзе прымаць спачатку вядомы ўсім Порту, а потым Дынама грэчаскі ПАОК. У Матчболе з гэтага і пачынаем.
Прайграваць Порту БАТЭ не будзе. Не спяшайцеся крытыкаваць за такі пасаж. Гэта словы галоўнага трэнера барысаўскага клуба перад матчам Лігі чэмпіёнаў.
Клуб БАТЭ пакуль не страціў шансы выйсці ў плэй-оф Лігі чэмпіёнаў. Гэта адбудзецца ў тым выпадку, калі беларусы стануць трэцімі ў групе. Але ж самы важны матч у групе - матч супраць Атлетыка. Заўтра ж гуляем з партугальскім Порту.
Матч БАТЭ і Порту заўтра на полі Барысаў-Арэны. Пачатак у 20 гадзін, прамая трансляцыя на тэлеканале Беларусь 2.
Бронзавы прызёр чэмпіянату Беларусі па футболе будзе вядомы толькі пасля апошняга тура ў Вышэйшай лізе.
Шахцёр наперадзе, Тарпеда адстае на два балы, і ў матчы паміж гэтымі клубамі нічыя, 0:0.
Хакейнае мінскае Дынама ў лістападзе забуксавала. Пасля выдатнага (і гэта не перабольшанне) пачатку сезона зубры прайгралі пяць матчаў запар. Амуру, Адміралу, Ёкерыту, рыжскаму Дынама, СКА з Пецярбурга. Галявы дэфіцыт гэтых матчаў - 9 закінутых шайб і 22 прапушчаныя. Такі вынік, скажам прама, зусім не выдатны.
Але ж на пачатку матча гульня складвалася не на карысць зуброў. Нік Бэйлен выдаліўся з пляцоўкі, а праз 23 секунды мінчане прапусцілі шайбу.
Але ж потым нашыя хакеісты да пачатку трэцяга перыяду тройчы паразілі вароты харватаў.
Закідвалі шайбы Лінгле, Мялешка і Гаўрус.
І ў выніку, няхай і з намаганнямі ў канцы матча, беларусы дабіліся перамогі.
Праз некалькі хвілін мінскае Дынама распачне дамашнюю серыю, якая складзе толькі два матчы. Сёння прымае Сочы, за які выступае нападаючы беларускай зборнай Андрэй Касціцын.
