Рубрыка "Матчбол"

1 Кастрычніка 2018

32-я ракетка свету Аляксандра Сасновіч сёння выйшла ў 1/16 аднаго з буйных тэнісных турніраў восені, які праходзіць у кітайскай сталіцы. Саша была мацнейшай за румынку Міхаэлу Бузарнеску. Наступная саперніца – Караліна Плішкава з Чэхіі. Арына Сабаленка тым часам не толькі стала 16-й у сусветным рэйтынгу, але і 11-й у чэмпіёнскай гонцы.

Апошнія два месяцы балельшчыкі беларускага спорту будут памятаць вельмі доўгі час. Менавіта сёння мы бачым, як Арына Сабаленка ўпэўненымі крокамі набліжаецца да вяршыні тэніснага алімпу. Турнір у кітайскім Ухане катэгорыі «Прэм’ер» самы статусны, на кортах якога перамагла першая ракетка Беларусі.

Ужо сёння Арына Сабаленка падымаецца на зноў рэкордную для сябе 16-ю пазіцыю ў сусветным рэйтынгу. А на гэтым тыдні ідзе вельмі статусны турнір у Пекіне, дзе беларуска выступае як адна з фаварытак.

Такой галявой феерыі трыбуны “Мінск-Арэны” чакалі шмат часу. У госці да мінскага "Дынама" прыехалі аўтсайдары Усходняй канферэнцыі КХЛ – “Сібір”, якой кіруе беларускі спецыяліст Аляксандр Андрыеўскі. І гэта быў той матч, у якім беларускія хакеісты не маглі страчваць ачкоў.

Адразу пяць шайб пабывалі ў варотах “Сібіры”. У гэтым сезоне нашы хакеісты столькі не закідвалі. Прапусцілі пры гэтым толькі раз.

Пасля сустрэча супраць омскага “Авангарда”, аднаго з фаварытаў сезона. Адзначым, што ў расійскай камандзе выступае беларускі нападаючы Андрэй Стась, які, імаверна, хутка вернецца ў зборную. І вось тут матч атрымаўся вельмі цяжкім. І калі б не гэтая памылка абаронцы "зуброў" Яўгена Лісаўца, то вынік мог быць іншым. А так 2:1 на карысць "Авангарда".

А зараз футбольны блок навін. "Матчбол" завітаў у Барысаў, дзе адбылося самае цікавае супрацьстаянне краіны. БАТЭ, шматгадовы чэмпіён, прымаў мінскае "Дынама". Інтрыг у гэтай гульні заўсёды шмат. І адразу да выніку.

У той момант, калі ўсе трыбуны “Барысаў-Арэны” апладзіравалі ў памяць аб Анатолі Капскім, які памёр 22 верасня на 53-м годзе жыцця, паўабаронца барысаўчан Станіслаў Драгун менавіта на 53-й хвіліне нанёс моцны удар.

БАТЭ ўвогуле даб’ецца перамогі, але ў такі дзень, безумоўна, каманда прайграць не змагла. Гол Дзяніса Палякова яшчэ больш наблізіў жоўта-блакітных да чарговага чэмпіёнскага тытула.

Між тым перад гульнёй у Барысаве ў Жодзіне адбыўся таксама цікавы паядынак, у якім мясцовае "Тарпеда-БелАЗ" прымала футбольны клуб "Віцебск". Каманда з поўначы краіны ў гэтым годзе стала, безумоўна, сенсацыяй.

Але ў другім матчы зноў “Віцебск” не толькі саступае, але не можа забіць ніводнага гола. У дзень заснавання завода БелАЗ гульцы жодзінскай каманды паказалі вельмі яскравую гульню і забілі двойчы ў вароты “Віцебска”.

Шмат футбола будзе і на гэтым тыдні. Перш за ўсё - другі тур Лігі Еўропы, у якім выступіць БАТЭ. На "Барысаў-Арэну" прыедзе грэчаскі ПАОК. А вось ужо пасля, у трэцім туры, барысаўчане згуляюць на лонданскай арэне "Стэмфард Брыдж" супраць самога "Чэлсі".