Заўтра ў Мінску стартуе 10-ы Міжнародны калядны турнір па хакеі сярод аматараў на прыз Прэзідэнта Беларусі. Учора ў Мінск прыляцелі канадцы. Літаральна толькі што ў нацыянальным аэрапорце прызямліліся славакі і аўстрыйцы. Варта адзначыць, што гэты юбілейны турнір асаблівы. Упершыню за кубак будуць змагацца 12 каманд (яны будуць падзеленыя на 3 групы). У правядзенні спаборніцтваў задзейнічаюць 4 лядовыя пляцоўкі, у тым ліку і нядаўна пабудаваную Чыжоўка-Арэну.
Пол Клэтні, гулец аматарскай каманды Канады: Я ўпершыню буду гуляць за канадскую зборную на калядным турніры, і гэта вялікі гонар для мяне. Я шмат чуў пра тое, што тут збіраюцца далёка не слабыя сапернікі. Але мы гатовыя змагацца. Чаго чакаю менавіта я? Толькі прыемных уражанняў.
Браян Расмусен, гулец аматарскай каманды Канады: Я чакаю выдатнага хакея. Дакладна ведаю, што на турніры будзе шмат вядомых імёнаў з НХЛ, прафесіяналаў у мінулым. Мы таксама значна ўзмацніліся, на 3/4 наша каманда складаецца з майстроў. Будзе сапраўды горача.
Калядны турнір збярэ ўдзельнікаў з Аўстрыі, Германіі, Канады, Расіі, Славакіі, Украіны, Фінляндыі, Францыі, Чэхіі, Швецыі, Швейцарыі і Беларусі. Адзначым, мы выйгравалі ганаровы трафей 7 разоў, двойчы перамога даставалася расіянам.
