Раўбічы сёння прымаюць юніёрскі планетарны форум па лыжнай акрабатыцы. У спаборніцтвах удзельнічаюць каля 50-ці фрыстайлістаў з васьмі краін свету.
Сярод галоўных прэтэндэнтаў на перамогу, акрамя гаспадароў, расіяне, у тым ліку пераможца агульнага заліку Кубка свету Максім Бураў і ўдзельніца Алімпійскіх гульняў Любоў Нікіціна. Нашу краіну на чэмпіянаце свету прадставяць сем спартсменаў, у тым ліку дзеючы чэмпіён свету Дзмітрый Мазуркевіч і сярэбраны прызёр Павел Дзік.
Кваліфікацыйныя спаборніцтвы стартуюць у 16:15. Фінальная частка запланавана на 18:00. Прамую трансляцыю вырашальных спаборніцтваў пакажа тэлеканал "Беларусь 5".
