Мінскае "Дынама" матчам з "Адміралам" з Уладзівастока пачынае заключную хатнюю серыю рэгулярнага чэмпіянату КХЛ. Тэарэтычныя шанцы на тое, каб патрапіць у плэй-оф, у "зубраў" усё яшчэ застаюцца. Але зараз усё залежыць і ад прамых канкурэнтаў у барацьбе за восьмы радок - "Спартака", чарапавецкай "Поўначсталі" і маскоўскага "Дынама". "Зубрам" жа неабходна набіраць максімальную колькасць балаў у астатніх чатырох матчах. "Адмірал" шанцы на плэй-оф ужо страціў, нашы сапернікі - 12-я каманда на Усходзе. Такім чынам, прамая трансляцыя матча "Дынама" - "Адмірал" пачнецца на тэлеканале "Беларусь 5" у 19:25.
