Крыху больш за месяц да старту II Еўрапейскіх гульняў. "Полымя міру" гэтымі днямі працягвае свой шлях па Брэсцкай вобласці. Эстафета пачалася сёння раніцай. Факеланосцы пранеслі агонь у вёсцы Качанавічы Пінскага раёна, а таксама правезлі на цеплаходзе па мясцовых балотах і рацэ Піне. Гэта адзін з прытокаў Прыпяці. Ганаровую місію выканаў Надзвычайны і Паўнамоцны Пасол Украіны ў Беларусі Ігар Кізім. Удзельнічалі ў эстафеце і журналісты. Сярод іх і наша калега Святлана Панкратава.
Ігар Кізім, Надзвычайны і Паўнамоцны Пасол Украіны ў Беларусі: "Хацеў бы пажадаць усім спартсменам годнага ўдзелу, і няхай пераможа наймацнейшы. Знамянальна тое, што гэта праходзіць менавіта ў Беларусі, якая апошнім часам зарэкамендавала сябе як добрая пляцоўка супрацоўніцтва".
Адзначым, ужо сёння днём "Полымя міру" прыбудзе ў Мікашэвічы. Там сімвалічны агонь II Еўрапейскіх гульняў пранясуць па кар'ерах прадпрыемства па здабычы і перапрацоўцы граніту.
"Полымя міру" працягвае свой шлях па Брэсцкай вобласці
16 мая 2019
