"Полымя міру" асвяціла зборачныя цэхі МЗКЦ, МАЗа і Трактарнага завода

19 Чэрвеня 2019

Эстафета "Полымя міру" тым часам працягвае свой рух па сталіцы, і сёння ў факеланосцаў атрымаўся своеасаблівы індустрыяльны прабег. Полымя асвяціла зборачныя цэхі трох сталічных аўтагігантаў - МЗКЦ, МАЗа і Трактарнага завода. Іх працаўнікі адчулі сябе датычнымі да маштабнай падзеі, а ўвесь свет змог убачыць, дзе збіраюцца надзейныя цягачы, грузавікі і сельскагаспадарчая тэхніка. Пасля эстафету прыняў робат!

Высокія тэхналогіі вогненнага флэшмоба ацаніў Сяргей Казловіч. Сімвалічны агонь за час эстафеты ўжо ўбачыў практычна ўсе буйныя прадпрыемствы краіны. І штораз яго сустракаюць гучна, выбудоўваюцца доўгія людскія калідоры, каб кожны змог стаць удзельнікам гэтага палымянага флэшмоба. Сардэчны прыём чакаў факеланосцаў і на Мінскам заводзе колавых цягачоў.

Асаблівай цырымонія перадачы эстафеты выйшла паміж двума аўтагігантамі. На прахадной сабраліся рабочыя адразу двух заводаў - МЗКЦ і МАЗа. Па цэхах Мінскага аўтамабільнага даручылі пранесці факел Сяргею Вязовічу. Яго экіпаж нядаўна зноў даказаў сваё майстэрства - перамога на ралі-рэйдзе ў Марока. Па вялізнай тэрыторыі завода агонь не толькі неслі, але і падвозілі на аўтобусе. Свой транспарт даў і Мінскі трактарны. Самая першая серыйная мадэль МТЗ-2 як быццам усё сваё жыццё чакала гэтай місіі і жвава даставіла факеланосца да зборачнага цэха.

Ад надзейнай тэхнікі да прадуманага праграмнага забеспячэння. Факеланосцы не маглі абысці і цэнтр штучнага інтэлекту Усходняй і Цэнтральнай Еўропы. Тут, у Парку высокіх тэхналогій, эстафета набыла яшчэ і статус самай тэхналагічнай. Упершыню ганаровую місію ўсклалі на робата-маніпулятара. Гэта, бадай, адзіны ўдзельнік эстафеты, які зусім не хваляваўся. Гэтага робата распрацавалі і сабралі беларусы. Яны ўжо навучылі машыну варыць каву. Хутка распрацоўшчыкі прадставяць і звышдакладнага хірурга. І ўсё на аснове гэтага высокатэхналагічнага маніпулятара. Эстафета ў Парку высокіх тэхналогій выйшла не толькі інавацыйнай, але і проста прыгожай. Факел па тэрыторыі парка пранесла "Міс свету" на інваліднай калясцы. Аляксандра Чычыкава даказала на міжнародным подыуме, што няма нічога немагчымага.

Ужо заўтра "Полымя міру" асвеціць батанічны сад і Вялікі тэатр оперы і балета. А на стадыёне "Дынама" ўрачыстую цырымонію запальвання агню ўвесь свет убачыць у гэтую пятніцу.


Папулярныя

Рэкамендуемыя

Зараз чытаюць

Рэкамендуемыя