Эстафета "Полымя міру" ўсё бліжэй да сталіцы. Сёння трэці дзень маршруту па Мінскай вобласці.
З раніцы агонь пабываў на полі "Барысаў-Арэны". Стаметроўкі з факелам у руках па чарзе прабеглі вядомыя футбалісты Аляксей Бага, Андрэй Хачатуран, а таксама Аляксандр Глеб. Да іх далучыўся і ўраджэнец Барысава шоумен Вадзім Галыгін. Эстафета стала адначасова і вялікім святам для мясцовых дзяцей. Факеланосцы правялі для іх майстар-клас па футболе.
Затым эстафета прадоўжылася ў Жодзіне на БелАЗе. Факеланосцаў узялі на борт самыя вялікія кар'ерныя самазвалы, сярод якіх і 450-тоннік. Гэта адзін з самых відовішчных момантаў падарожжа агню.
Сярод факеланосцаў і алімпійскі чэмпіён па веславанні на байдарках 2008 года ў Пекіне Аляксей Абалмасаў. Ён замыкаў эстафету па тэрыторыі машынабудаўнічага гіганта.
Апошнім на сёння прыпынкам факеланосцаў стаў завод "БелДжы". Удзельнікі эстафеты не проста пранеслі агонь II Еўрапейскіх гульняў, а правялі тэст-драйв новых мадэляў аўто.
Прыпынкам факеланосцаў II Еўрапейскіх гульняў стаў завод "БелДжы"
13 июня 2019