У фінальнай серыі гродзенцы нанеслі паражэнне "Юнацтву", якое ў выніку дагналі па колькасці тытулаў. У 6-м матчы на лёдзе "Чыжоўка-Арэны" мінчане двойчы выходзілі наперад, але абодва разы госці адыгрываліся і ў выніку павялі ў канцы другога перыяду і ўтрымалі перавагу. Вікторыя за "Нёманам" - 3:2 - у сённяшнім супрацьстаянні і 4:2 - у серыі.
Адзначым, гэты трыумф дазволіць "Нёману" згуляць у наступным сезоне ў хакейнай Лізе чэмпіёнаў. Там таксама выступіць "Юнацтва" - як пераможца Кантынентальнага кубка.
