Нацыянальная хакейная ліга не бачыць перашкод у выкарыстанні мельдонію

Са студзеня Сусветнае антыдопінгавае агенцтва занесла прэпарат у спіс забароненых. І нягледзячы на гэта, у НХЛ палічылі, што рэчыва не з'яўляецца допінгам, і дазволілі прымаць яго хакеістам. У кіраўніцтве наймацнейшай хакейнай лігі планеты лічаць, што мельдоній з'яўляецца добрым сродкам для аднаўлення спартсменаў, прэпаратам, які дазваляе падтрымліваць нармальную працу сардэчна-сасудзістай сістэмы.