У студыі спартыўны аглядальнік Станіслаў Ліпскі. Ён распавядзе аб першых выніках спаборніцтваў, Стас, добры дзень, хто здзівіў?
Добры дзень! Здзівіла жаночая зборная Іспаніі па баскетболе 3х 3 - пірэнейкі саступілі эстонкам. Але пра ўсё гэта больш дэтальна ўжо ў інфаканале, таму прапаноўваю пачынаць!
Але перад тым, як абмяркуем вынікі першага спаборніцкага дня, ненадоўга перанясёмся ў дзень учарашні. Галоўныя дзеючыя асобы Еўрапейскіх гульняў - члены спартыўных дэлегацый турніру напярэдадні пакінулі назаўжды часцінку свайго сэрца тут, у Мінску: а дакладней на праспекце Дзяржынскага! Замежныя госці ў вёсцы атлетаў заклалі алею дубоў. Такога гонару ўдастоіліся шэфы місій краін - удзельніц спаборніцтваў. Мерапрыемства стала часткай праграмы прэс-тура для журналістаў.
І гэта, скажу па сваім вопыце, вялікі поспех для рэпарцёраў, якія працуюць на вялікіх спартыўных форумах, бо ў вёску атлетаў уваход строга абмежаваны і нават лімітаваны па часе.
Таму зараз прапануем паглядзець, як праходзіць падрыхтоўка спартсменаў да выступлення, звычайна схаваная ад вачэй балельшчыкаў.
Расказвае Ян Пашкевіч.
Наш рэпартаж пра тое, як праходзіць падрыхтоўка спартсменаў да выступлення
21 июня 2019