Старт спартыўным спаборніцтвам дасць урачыстая цырымонія адкрыцця 21 чэрвеня. Падрабязнасці арганізатары трымаюць у сакрэце. Тым не менш, некаторым усё ж удасца ўбачыць шоу на свае вочы. Сёння вечарам на стадыёне "Дынама" пройдзе генеральны прагон з гледачамі.
Акрамя прадугледжаных рэгламентам парада атлетаў і запальвання агню, публіку чакае высокатэхналагічная шоу-праграма. Паказ дзеліцца на 8 тэматычных блокаў (большую частку будуць суправаджаць спецэфекты). Відовішчнасці нададуць і прафесійныя танцоры. Назіраць за цырымоніяй будзе камфортна незалежна ад рада і сектара дзякуючы спецыяльна спраектаванай сцэне.
Трэніравацца ў рэжыме прамога эфіру будуць і тэлевізіёншчыкі. Спецыялісты Белтэлерадыёкампаніі ў тандэме з дамашнім вяшчальнікам забяспечаць тэлетрансляцыю. За ўсім, што будзе адбывацца ўнутры чашы "Дынама", будуць сачыць каля трох дзясяткаў камер, многія з іх спецыяльнага прызначэння. Напрыклад, міні-аб'ектывы на лёгкаатлетычнай дарожцы. Назіраць за ўрачыстай цырымоніяй можна будзе з усіх кантынентаў.
На стадыёне "Дынама" сёння пройдзе генеральны прагон цырымоніі адкрыцця
19 июня 2019