На мінскім стадыёне "Дынама" завяршыўся чэмпіянат Беларусі па лёгкай атлетыцы

31 Жніўня 2019

У спартыўны летапіс краіны  гэтымі днямі ўпісваюць свае імёны нашы лёгкаатлеты. На мінскім стадыёне "Дынама" завяршыўся чэмпіянат Беларусі - іспыт для спартсменаў і арганізатараў напярэдадні галоўнай лёгкаатлетычнай падзеі: матчавай сустрэчы Еўропа - ЗША. Да гістарычнага супрацьстаяння застаецца крыху больш за  тыдзень.

Расказвае Алена Гарэльчык.

Сектар для скачкоў у вышыню. На тытул чэмпіёнкі Беларусі прэтэндуюць восем спартсменак. Сярод іх  удзельніца будучай матчавай сустрэчы Еўропа - ЗША Карына Таранда, больш дакладна, Дзямідзік. Падставай для змянення прозвішча паслужыла радасная падзея. На галаву мацнейшая за сваіх саперніц, зусім хутка Карына засталася ў сектары адна. У рангу чэмпіёнкі спакойна ўзяла метр 90. Дадаць плюс 5 сантыметраў да свайго выніку, праўда, на гэты раз не атрымалася. 

Карына Дзямідзік, Марыя Ласіцкене, Юлія Леўчанка, Ірына Герашчанка: заявачны спіс зборнай Еўропы ў жаночых скачках у вышыню - важкая стаўка на агульную перамогу. Убачыць гэтую чацвёрку разам на чале з сусветным лідарам Ласіцкене - дарагога варта. 

Крысціна Ціманоўская ў склад удзельніц матчавай сустрэчы ўвайшла літаральна напярэдадні. А ўжо сёння на дыстанцыі 200 метраў беларуская спрынтарша не толькі ўзяла тытул чэмпіёнкі краіны, але зрабіла гэта з новым асабістым рэкордам і што яшчэ больш - выканала кваліфікацыйны нарматыў на Гульні ў Токіа. Чым не матывацыя перад матчавай сустрэчай.

Праз фінал Брыльянтавай лігі, ён пройдзе 6 верасня ў Бруселі, да матчавай сустрэчы. Спартсмены ўсяго свету выходзяць на пік формы, бо пасля і рукой да чэмпіянату свету падаць. Дарэчы, амерыканцы з задавальненнем едуць у Беларусь. Бо гэтае двухдзённае супрацьстаянне шмат у чым дапаможа і акліматызавацца да планетарнага форуму. Што тычыцца формы ў прамым сэнсе гэтага слова, то да гэтага пытання арганізатары падышлі дэталёва. Экіпіроўку для зборнай Еўропы шые адна з беларускіх фірм. 

Чэмпіянат краіны стаў не толькі тэстам для спартсменаў, медыцынскіх і судзейскіх брыгад. Іспытам нацыянальны старт стаў для тэлевізіёншчыкаў. Такога выпрабавання ў гісторыі нашага спартыўнага канала яшчэ не было. Тры ПТС, некалькі дзясяткаў тэлевізійных камер па ўсім стадыёне, 5 рэжысёрскіх брыгад і вочы і вушы на самой арэне - так званыя спотары. Ад увагі балельшчыкаў не схаваецца ні адзін нюанс. 

Матчавая сустрэча Еўропа - ЗША ў Мінску адкрые новую гісторыю супрацьстаяння двух наймацнейшых зборных. Сапраўды гістарычная падзея, якая ўжо дакладна атрымае працяг. Праз два гады, у 2021, другое супрацьстаяння прыме ЗША.