У гэтыя хвіліны ў Маскве збіраюцца сусветныя лідары. Расійская сталіца завяршае апошнія падрыхтоўкі да старту галоўнай спартыўнай падзеі сезона.
Турнір, які аб'яднуе ўсю планету, - чэмпіянат свету па футболе.
Матч адкрыцця Расія - Саудаўская Аравія прымуць абноўленыя "Лужнікі".
Пачатак гульні ў 18:00, але за гадзіну да стартавага свістка - прэўю планетарнага форуму і ўрачыстая цырымонія. Прэзідэнт Беларусі па запрашэнні свайго расійскага калегі Уладзіміра Пуціна плануе наведаць цырымонію і матч адкрыцця. Міжнародныя спаборніцтвы пройдуць у 11 гарадах Расіі. У Маскве - на дзвюх арэнах. У чэмпіянаце свету прымуць удзел галоўныя зоркі сучаснасці: Раналду, Месі і Неймар. Перавагу букмекеры аддаюць зборным Германіі, Францыі, Бразіліі і Бельгіі.
Галоўны спартыўны канал краіны пакажа ўсе 64 матчы ў прамой трансляцыі. Акрамя таго, у эфіры "Беларусь 5" будуць тэматычныя дзённікі. Уся планета на працягу месяца будзе сачыць за тым, як адна з каманд у выніку падніме над галавой Кубак свету.