МАК адмовіўся запрашаць апраўданых расійскіх спартсменаў

МАК адмовіўся запрашаць на Алімпіяду 13 расійскіх спартсменаў і двух трэнераў, апраўданых Спартыўным арбітражным судом. Спецыяльная камісія камітэта адзначыла, што рашэнне суда не зняло падазрэнняў у допінгу і не пацвердзіла, што гэтыя спартсмены могуць лічыцца чыстымі. Нагадаем, 1 лютага Спартыўны арбітражны суд у Лазане задаволіў апеляцыі 28 расійскіх спартсменаў і адмяніў ім пажыццёвае адхіленне ад алімпіяд.