Футбольная восень будзе паўнавартаснай! Другі год запар адразу 2 беларускія клубы будуць прадстаўлены ў Еўракубках. Услед за БАТЭ, які гарантаваў сабе месца ў элітарнай кампаніі грандаў, у групу Лігі Еўропы выйшла і мінскае "Дынама". Паядынак у адказ з "Зальцбургам" у каманды не атрымаўся. Праўда, знайшоўся чалавек, які ў патрэбны момант адпрацаваў і за сябе, і за астатніх.
Расказвае Андрэй Іваноў.
Прыкладна так, як каментатар Павел Баранаў, сэйв Аляксандра Гутара сустрэлі тысячы неабыякавых да "Дынама" і беларускага футбола людзей. У гэты вечар каманда гуляла так сабе, зачын у 2 мячы, здабыты дома, аўстрыйскі "Рэд Бул" нівеляваў, як здалося, без асаблівай працы. У выніку ўсё вырашылася ў серыі пенальці…
Галкіпер у выніку парыраваў 3 удары з "кропкі". Прычым, перад кожным на твары Гутара была ўсмешка.
Але галкіперы - гэта пэўная футбольная каста, іх часам складана зразумець. Астатнім у той момант было не да ўсмешак.
Уладзіміру Карыцьку пасля прылёту было няпроста пачуць нашы пытанні. Як раз у гэты момант перад балельшчыкамі з'явіўся Аляксандр Гутар. Цікавімся ў галкіпера, успомніш, калі хтосьці з калег па цэху рабіў 3 сэйвы ў серыі 11-метровых?
У момант, калі самалёт з дынамаўцамі набліжаўся да Беларусі, у Манака вызначаліся іх сапернікі па групавым раўндзе. У выніку сляпы жэрабя адправіў бела-сініх у групу І да іспанскага "Вільярэалу", чэшскай "Вікторыі" і аўстрыйскага "Рапіду".
Наогул, у гэтым сезоне людзі, якія адказваюць ва УЕФА за статыстыку і тэлерэйтынгі, відавочна адзначаць для сябе рэкордную цікавасць з боку гледачоў з краін постсавецкай прасторы. У сезоне 2015-2016 у Лізе чэмпіёнаў і Лізе Еўропы згуляюць 13 каманд з Беларусі, Украіны, Расіі, Казахстана і Азербайджана - гэта рэкордная лічба. Памятуючы, самалёты якіх грандаў прызямляцца ў нацыянальным аэрапорце Мінск, футбольная восень будзе як мінімум не сумнай.
А каб атрымалася яшчэ і не правальнай, трэба ўзмацняцца. Думаем над гэтым, гаворыць галоўны трэнер.
Дарэчы, за выхад у групу Лігі Еўропы каманда зарабіла 2 мільёны 830 тысяч еўра. Шанц папоўніць рахунак будзе ўжо 17 верасня - "Дынама" правядзе першы выязны паядынак супраць "Вікторыі" з Пльзені, 1 кастрычніка ў Барысаве прымаем "Рапід".
