Мінскае "Юнацтва" супраць "Нёмана" ў 12:20 на "Беларусь 5"

16 Лютага 2019

Ці стане мінскае "Юнацтва" недасягальным для сапернікаў у чэмпіянаце краіны па хакеі? Сёння пройдзе чарговы тур Экстралігі, дзе галоўным упрыгажэннем будзе барацьба сталічнай каманды і "Нёмана". Зусім нядаўна, у чацвер, клубы сустракаліся ў Гродне. І тады "чорна-чырвоныя" ўступілі гасцям толькі ў серыі булітаў. У турнірнай табліцы лідар "Юнацтва" наперадзе "Нёмана", які размяшчаецца на другім радку, на 19 ачкоў. У прамым эфіры класіку беларускага хакея пакажа тэлеканал "Беларусь 5". Пачатак у 12:20.