Мінск працягвае эстафету высокіх спартыўных падзей. Сёння беларуская сталіца прымае жаночы чэмпіянат Еўропы па індархакеі. Умовы тут трохі адрозніваюцца ад класічнага паядынку на лёдзе і з шайбай. Аб правілах гульні і саперніцах беларусаў - сюжэт Алены Гарэльчык.
Еўрапейскі хакей у Мінску. Некалькі гадзін застаецца да пачатку жаночага чэмпіянату Еўропы па індархакеі. Не блытаць з хакеем на траве.
Індор - гэта, хутчэй, зімовы варыянт, у дадатак від спорту неалімпійскі. Хоць дынамічнасцю і відовішчнасцю калі не пераўзыходзіць, дык ані не саступае.
У індархакеі наша жаночая зборная шостая ў Еўропе, у хакеі на траве беларускі на 18-м месцы. Дарэчы, і ў адным і ў іншым відзе спорту ў нас у краіне гуляе адна і тая ж каманда.
Чэмпіянат Еўропы, дарэчы, праводзіцца раз на два гады. За апошнія 10 гадоў беларускі чатыры разы станавіліся яго прызёрамі. Два разы выйгравалі серабро, двойчы бронзу.
Першыя матчы ў Палацы спорту пачнуцца ў 10 гадзін раніцы. Уваход на чэмпіянат Еўропы вольны. Прамыя трансляцыі паядынкаў з удзелам нашай зборнай будзе весці тэлеканал "Беларусь 5".
Першы матч беларускі правядуць ужо сёння днём супраць каманды Германіі, а ўжо ўвечар згуляюць з украінкамі. Яшчэ адзін сапернік нашай зборнай - каманда Аўстрыі.