Настаўнік мінскага "Юнацтва", які значыўся адзіным кандыдатам, афіцыйна зацверджаны сёння на пасяджэнні трэнерскага савета і выканкама федэрацыі. Кантракт са спецыялістам заключаны на два гады, уключаючы дамашні чэмпіянат свету - 2021. Хто будзе дапамагаць Міхаілу Захараву, пакуль не абмяркоўвалася. Таксама не былі пастаўлены задачы на будучы сезон. Нагадаем, акрамя майскага планетарнага форуму ў Швейцарыі, зборнай трэба будзе прайсці алімпійскую кваліфікацыю да зімовых Гульняў-2022 у Славакіі ў жніўні праз год. З мая, калі беларусы заваявалі пуцёўку ў элітны дывізіён пад кіраўніцтвам Андрэя Сідарэнкі, нацкаманда заставалася без коўча. Захараў жа, нагадаем, узначальваў зборную краіны з 2003 па 2005, і на пакуль апошніх для беларускіх хакеістаў Алімпійскіх гульнях у Ванкуверы ў 2010-м.
Міхаіл Захараў - адзін з самых тытулаваных трэнераў Беларусі. У якасці галоўнакамандуючага мінскага "Юнацтва" ён 8 разоў выйграваў чэмпіянат Беларусі, тройчы - у Кантынентальным кубку. У мінулыя выхадныя каманда пад яго кіраўніцтвам заваявала Кубак Руслана Салея.
