18 лістапада ў Ханты-Мансійску пачнуцца новыя спаборніцтвы - Міжнародная ліга клубнага біятлона, дзе спартсмены будуць выступаць не за краіну, а за клубы. Усе наймацнейшыя ў нашай камандзе ў страі. У тым ліку капітан мужчынскай зборнай, сярэбраны прызёр Алімпійскіх гульняў - Антон Смольскі. Таксама на высокія месцы будуць прэтэндаваць Дзмітрый Лазоўскі і Мікіта Лобастаў. У жанчын першыя старты пасля вяртання з дэкрэтнага водпуску правядуць Ганна Сола і Ірына Лешчанка, якія па ходзе летняга сезона пацвердзілі свой высокі статус. Наша каманда на зборах у Ханты-Мансійску знаходзіцца ўжо каля месяца, а сёння адбыліся заключныя трэніроўкі.
Заўтра ў праграме спаборніцтваў вялікія мас-старты. Мужчынскі пачнецца ў 9:30 па беларускім часе, а жаночы - праз дзве гадзіны.
Адзначым, пераможца кожнай гонкі атрымае адзін мільён расійскіх рублёў у якасці прызавых, удвая менш за серабро і 250 тысяч за трэцяе месца. Прамыя трансляцыі першага этапа новага турніру будзе весці тэлеканал "Беларусь 5".
