Першыя дні новага года ў Беларусі па традыцыі адзначаны сімвалічнай і чаканай падзеяй - Міжнародным Калядным турнірам сярод аматараў хакея на прыз Прэзідэнта. Лепшыя каманды з'язджаюцца ў сталіцу 13-ы раз. Усе ўдзельнікі каляднага старту ўжо дабраліся да месца правядзення спаборніцтваў. Самым хакейным аказаўся рэйс з Вены. Борт прывёз адразу тры зборныя - Швейцарыі, Славакіі і дэбютантаў турніру - каманду Балкан, у склад якой уваходзяць хакеісты адразу 8 дзяржаў.
Спаборніцтвы пачнуцца ўжо заўтра. Усе матчы пройдуць на "Чыжоўка-Арэне". Каманды групы А - гэта гаспадары, а таксама зборная ААЭ і Балкан - гуляюць на вялікай пляцоўцы. Зборныя квартэта Б - гэта расіяне, славакі, фіны і немцы - на малой. Гульні пачнуцца ў 12:00. Матч з удзелам каманды Прэзідэнта - адразу пасля цырымоніі адкрыцця, у 19:00.
