Лепшыя сусветныя біятланісты рыхтуюцца да спрынтарскіх гонак. Прамое ўключэнне з Раўбіч

Чэмпіянат Еўропы па біятлоне ў Раўбічах вяртаецца пасля дня перапынку. У выхадныя гледачоў чакае традыцыйны звязак  "спрынт-пасьют". На коне - розыгрыш чатырох камплектаў узнагарод. Наша зборная пастараецца палепшыць сваё месца ў агульнакамандным медальным заліку. На гэты момант Беларусь чацвёртая. У актыве - золата Сяргея Бачарнікава за суперспрынт.

У спарткомплексе знаходзіцца наша здымачная група. На прамой сувязі са студыяй Крысціна Камыш (прамое ўключэнне). Менш за паўгадзіны застаецца да старту мужчынскай спрынтарскай гонкі на 10 кіламетраў. Беларусь у гэтым відзе праграмы прадставяць Крыўко, Смольскі, Бачарнікаў, Ялётнаў, Варабей і Казарынаў. Што ж датычыцца Раўбіч, то спаборніцкая паўза відавочна пайшла на карысць спарткомплексу. Супрацоўнікам удалося падлатаць трасу за дзень.

Падцягваюцца ў спарткомплекс балельшчыкі. На працягу ўсіх спаборніцкіх дзён у Раўбічах было шмат гледачоў. Але натуральна, што людзей у выхадныя на трыбунах будзе пабольш. Усё-такі гэта ўнікальная магчымасць - убачыць лепшых біятланістаў Еўропы і свету. Бо кантынентальны форум адкрыты - таму на беларускіх трасах выступаюць каманды і ЗША, і Канады, напрыклад.

Нагадаем, што прамую трансляцыю гонкі з Раўбіч у 12:30 пачне тэлеканал "Беларусь 5". У 15:30 старт жаночага спрынту. Хварэем за нашых!