Кашмарным, інакш не назваць, выдаўся прыезд зборнай Беларусі па хакеі напярэдадні на ЧМ у Парыжы: нацыянальную каманду, трэнерскі штаб і асоб, якія суправаджалі, на чыгуначным вакзале, пасля пераезду з Бардо, сустрэлі працаўнікі мытнай службы Францыі і паліцыі, наладзіўшы сапраўдны вобыск. Прычым, як каментуюць відавочцы, даволі жорсткі. Пасольства Беларусі ў Францыі вокамгненна адрэагавала на гэты інцыдэнт. МЗС нашай краіны адразу ж выклікаў пасла французскай рэспублікі для тлумачэнняў таго, што здарылася. Цэлы дзень за развіццём падзей назіраў Станіслаў Ліпскі.
У красавіку 2016 зборная Беларусі па веславанні ў французскім Ле Тампль-сюр-Ло рыхтавалася да Алімпійскіх гульняў у Рыа-дэ-Жанэйра. 12 красавіка мужчынская каманда нашай краіны падвергнулася татальнаму вобыску мясцовай паліцыі - глабальным вынікам якога ў выніку стала адхіленне нацыянальнай каманды ад выступлення на Алімпіядзе ў Бразіліі, з-за знойдзенага на базе мельдонію. Праз 10 месяцаў Беларусь у спартыўным арбітражным судзе ў Лазане даказала сваю невінаватасць.
Напярэдадні ж у такой жа сітуацыі, і зноў у Францыі, апынулася зборная Беларусі па хакеі: пасля дзвюх таварыскіх гульняў у Бардо супраць трохкаляровых наша дэлегацыя напярэдадні на цягніку адправілася ў Парыж, аднак па прыбыцці ў сталіцу Францыі каманду чакаў далёка не гасцінны прыём.
Што гэта было - спроба дэстабілізаваць каманду перад стартам на ЧМ? - пытанне адкрытае: але шматлікія балельшчыкі здзіўляюцца, няўжо камандзе помсцяць за весляроў?
А можа ўсё, што адбылося, звязана з траўмай 17-гадовай узыходзячай зоркі французскага хакея Аляксандра Тэексье, атрыманай у нядзельным матчы ў Бардо супраць беларусаў. Юны форвард пасля вось гэтага сутыкнення ў выніку не выступіць на хатнім турніры: бо ў мінулым сезоне ў 40 гульнях за Грэнабль форвард набраў 19 ачкоў…. Найбольш дбайнай праверцы напярэдадні падвергнуліся Дэйв Льюіс, Крэйг Вудкрафт, Алег Антоненка, Ягор Шаранговіч і Андрэй Касціцын.
Яраслаў Заўгародні, генеральны сакратар Беларускай федэрацыі хакея: "Крыўдна, што для маладых Шаранговіча, Вераб'я, якія ўпершыню выступяць на ЧМ, старт турніру запомніцца менавіта гэтым. Выпадак абуральны, уявіце, калі б такое адбылося ў нас у 2014-ым… Праўда, прэзідэнт Федэрацыі хакея Францыі, праз 15 хвілін пасля інцыдэнту патэлефанаваў, папрасіў прабачэння, мы ўжо напісалі адпаведны ліст Фазелю".
Наша пасольства ў Францыі падтрымлівае кантакт са зборнай па хакеі. Інцыдэнт пракаменціраваў МЗС Беларусі.
Дарэчы, аб будучыні - прычым найбліжэйшай: старт каманды на чэмпіянаце свету адбудзецца ўжо заўтра: у 17:15 дружына Дэйва Льюіса згуляе супраць Фінляндыі. Прамая трансляцыя сустрэчы вас будзе чакаць на тэлеканале "Беларусь 1".
У гэтай сітуацыі федэрацыя хакея нашай краіны адразу ж накіравала афіцыйныя лісты ў ІІХФ на імя Рэнэ Фазеля і кіраўніцтва арганізацыйнага камітэта чэмпіянату свету - з мэтай атрымання тлумачэнняў. Прычым, арганізатары турніру ўжо адказалі афіцыйным выбачэннем, Фазель паабяцаў асабіста разабрацца ў сітуацыі. А мы пакуль спадзяёмся, што гэты вобыск яшчэ больш згуртаваў нашых хлопцаў.
