Шэсць ліцэнзій - па тры ў мужчын і жанчын. Міжнародны лыжны саюз апублікаваў беларускую квоту для ўдзелу ў алімпійскім турніры па лыжнай акрабатыцы. А нашы фрыстайлісты тым часам вярнуліся са Злучаных Штатаў Амерыкі, дзе падвялі рысу пад Кубкам свету.
Усяго за сезон беларусы выйгралі 8 узнагарод. Золата на рахунку Ганны Гуськовай і Антона Кушніра. Акрамя таго, на заключным этапе Кубка свету алімпійскі чэмпіён выканаў скачок - трайное сальта з пяццю піруэтамі, за які атрымаў сярэбраны медаль. Ганна Гуськова да апошняга змагалася за Хрустальны глобус, але ў выніку аказалася другой.
Ужо 26 студзеня нашы фрыстайлісты вылецяць на трэніровачны збор у Японію, а адтуль прама ў Пхёнчхан. Гэта дапаможа спартсменам лягчэй перанесці акліматызацыю.
