Іван Кульбакоў зойме месца ў рамцы зборнай Беларусі па хакеі ў двух стартавых матчах чэмпіянату свету - супраць Швецыі і Францыі. Для гэтага вартавы варот напярэдадні правёў два паядынкі супраць Нарвегіі ў рамках Еўравыкліку. Учора, нагадаем, беларусы ўзялі верх над скандынавамі ў авертайме, 3:2.
Адзначым, што ў аўторак да каманды далучыцца форвард ЦСКА Джэф Плат. У сераду каманда адправіцца ў Данію, а першы матч правядзе ў пятніцу.
