"Снежны снайпер" - інтрыга вырашылася. Сёння ў Раўбічах другі заключны дзень фіналу рэспубліканскіх спаборніцтваў па біятлоне. І калі напярэдадні дзеці беглі спрынты, то сёння ў праграме змяшаныя эстафеты.
У малодшай узроставай групе пераможцамі сталі юныя біятланісты Магілёўскай вобласці. А вось у сярэдняй барацьба разгарнулася паміж Мінскам і сталічным рэгіёнам. У выніку першым на фініш прыйшоў квартэт са сталіцы ў саставе Марыі Гнедчык, Анастасіі Паповай, Ягора Зарэцкага і Анатоля Штундэра. Другой стала каманда Мінскай вобласці. За яе выступаў малодшы сын Прэзідэнта Мікалай Лукашэнка. На трэцім месцы - біятланісты Гомельскай вобласці. Адзначым, заснежанае надвор'е і лёгкі мароз дазваляюць атрымліваць асалоду ад барацьбы на лыжнай трасе не толькі ўдзельнікам, але і балельшчыкам, для якіх арганізавалі ў паўзах забаўную праграму і гарачую гарбату.
А паўгадзіны таму завяршылі барацьбу ў змяшанай эстафеце самыя дарослыя ўдзельнікі "Снежнага снайпера". Пераможцамі сталі біятланісты Мінскай вобласці. Другія - спартсмены каманды сталіцы, трэція - Гродзенскай вобласці. Ужо праз некалькі хвілін у Раўбічах пачнецца ўзнагароджанне пераможцаў і прызёраў спаборніцтваў.
