Цырымонія дзівіла. Гісторыю Еўрапейскіх гульняў пачалі пісаць маляўніча і з размахам. Лазернае шоу, салюты, паветраныя гімнасты, сонечнае зацьменне і… Лэдзі Гага, якая выканала песню Джона Ленана “Imagine”. Арганізацыяй мерапрыемства займалася першая лэдзі Азербайджана - яна ўзначаліла камітэт Еўрапейскіх гульняў. За адкрыццём гэтай малой Алімпіяды назіралі каля 70 000 гасцей на спецыяльна пабудаваным алімпійскім стадыёне ў Баку і мільёны людзей па ўсім свеце.
Што ж да нашай дэлегацыі, на Гульні адправіліся паўтары сотні спартсменаў. І ўжо ёсць чым пахваліцца. Пра ўсё падрабязней - Павел Капуцкі.
Узроўнем яна можа параўнацца з алімпійскай. Цырымонія адкрыцця Еўрапейскіх гульняў уразіла нават самых дасведчаных у спартыўным свеце людзей. На маляўнічае шоу азербайджанцы выдаткавалі сто мільёнаў долараў і мэты дасягнулі: здзівілі не толькі Стары Свет, але і ўсю планету. Адным з самых яскравых момантаў стала запальванне рытуальнага агню Еўрагульняў, затым на стадыёне з'явіліся галоўныя героі - спартсмены.
Сярод трыццаці кіраўнікоў дзяржаў на алімпійскім стадыёне прысутнічаў і Прэзідэнт Беларусі. Аляксандр Лукашэнка вітаў спартсменаў з трыбуны.
А ўжо сёння ў Баку Аляксандр Лукашэнка сустрэўся з кіраўніком Міжнароднага алімпійскага камітэта Томасам Бахам. Беларусь гатовая сыграць значную ролю ў развіцці міжнароднага спартыўнага руху, адзначыў Кіраўнік дзяржавы.
Таксама сёння Аляксандр Лукашэнка правёў сустрэчу з лідарам Еўрапейскіх алімпійскіх камітэтаў Патрыкам Хікі, які высока ацаніў узровень арганізацыі чэмпіянату свету па хакеі 2014 года ў Мінску.
У канцы сустрэчы Прэзідэнт Беларусі ўзнагародзіў Патрыка Хікі медалём Францыска Скарыны за асабістае ўкладанне ў развіццё беларускага алімпійскага руху і спорту.
Баку тым часам цалкам акунуўся ў атмасферу вялікага спартыўнага свята. Першае золата Еўрапейскіх гульняў адпраўляецца ў Швейцарыю. Ёланда Нэф выйграла спаборніцтвы па маўнтынбайку. Усяго ў першы паўнавартасны спаборніцкі дзень разыгрываліся 13 камплектаў узнагарод. І частка каштоўнага металу дакладна магла адправіцца ў беларускую скарбонку.
Першыя медалі да нас маглі прыйсці з арэны Гейдара Аліева. Сёння тут на трох барцоўскіх дыванах разыгрываліся чатыры камплекты ўзнагарод. Нашы выступалі ў кожнай з вагавых катэгорый.
Ён проста перагарэў, скажуць пасля сутычкі трэнеры нашай зборнай па грэка-рымскай барацьбе пра выступленне Паўла Ляха. Беларус выбыў у адной восьмай. Астатнія тры барцы дабраліся да паўфіналу. Першым медалістам Еўрагульняў у нас стаў Саслан Даураў. У фінальнай сутычцы ён адолеў малдаваніна Віктара Чабану.
Заўтра барцы разыграюць яшчэ чатыры камплекты медалёў. Мужчынская зборная па настольным тэнісе згуляе з французамі ў чвэрцьфінале камандных спаборніцтваў. Трыятлон, спартыўная гімнастыка, веславанне на байдарках і каноэ - у гэтых відах таксама выступяць беларусы. Сачыце за праграмай тэлеканалаў "Беларусь 2" і "Беларусь 5", а таксама за інфармацыйнымі выпускамі на "Беларусь 1".
