Прадоўжым спартыўны блок яшчэ адной важнай навінай. Калі Калядны турнір, з якога мы пачыналі праграму, - для беларусаў спаборніцтвы традыцыйныя, то ў агляднай будучыні нашу краіну чакае самы маштабны нацыянальны спартыўны праект - Еўрапейскія гульні - 2019. Ужо вядома, што яны пройдуць у чэрвені на працягу 12 дзён.
Аб гэтым стала вядома падчас першай інспекцыйнай паездкі ў Беларусь прадстаўнікоў Еўрапейскіх алімпійскіх камітэтаў. Такіх візітаў наперадзе шмат - спаборніцтвы маштабныя і патрабуюць кансультацый і ўзгадненняў. Перш за ўсё замежныя госці азнаёміліся са спартыўнай інфраструктурай Мінска і засталіся вельмі задаволеныя. З улікам таго што стадыён "Дынама" ўвядуць у эксплуатацыю напрыканцы года, наша сталіца ўжо гатовая прымаць Еўрапейскія гульні.
Больш падрабязна аб тым, што Беларусі яшчэ трэба зрабіць пры падрыхтоўцы да прадстаўнічага форуму, колькі відаў спорту будзе прадстаўлена ў Мінску, наш карэспандэнт Мікалай Стула спытаў у Пірса О'Калагана - спартыўнага дырэктара Еўрапейскіх алімпійскіх камітэтаў (відэа).
