У гэтым відзе спорту не толькі аб медалях, але нават аб матчах за высокія месцы пакуль даводзіцца толькі марыць. Размова пра футбол - больш дакладна, пра нацыянальную зборную нашый краіны. На топ-турніры ў суверэннай гісторыі мы не выходзілі ні разу, і кожны адборачны цыкл для балельшчыкаў - суцэльнае расчараванне. І нават не ў набраных ачках рэч. Толькі рэдкія пробліскі добрай гульні аптымізм у дачыненні да нашай галоўнай каманды звялі практычна да нуля.
Ранейшы настаўнік зборнай Аляксандр Хацкевіч пакінуў сваю пасаду датэрмінова ў снежні мінулага года, і пошукі новага трэнера, скажам прама, некалькі зацягнуліся. У выніку кіраваць камандай з прыстаўкай в. а. будзе Ігар Крывушанка. Сёння ён узначальвае жодзінскае "Тарпеда БелАЗ", працу ў клубе і зборнай будзе сумяшчаць.
Як раз у Жодзіне ў клуба перад новым сезонам сёння прайшла сустрэча з балельшчыкамі. А мы не прапусцілі магчымасць пагутарыць з Ігарам Крывушанкам аб перспектывах нацыянальнай каманды.
З чаго пачне новы галоўны трэнер, ці ёсць шанец трапіць на мундыяль-2018, па якіх прынцыпах будзе фарміравацца склад - нарэшце, як вярнуць балельшчыкаў на трыбуны? Эксклюзіўнае інтэрв'ю (відэа).
