Лёгкая атлетыка - у новым фармаце. На II Еўрапейскіх гульнях, якія ў 2019-м пройдуць у Беларусі, каралева спорту паўстане ў цалкам новым выглядзе.
Аб гэтым сёння заявілі на 46-й Генасамблеі Еўрапейскіх алімпійскіх камітэтаў, якая пачала сваю працу ў харвацкім Заграбе. Нагадаем, што ў праграме спаборніцтваў 15 відаў спорту, шматлікія з якіх стануць адборачнымі на летнія Алімпійскія гульні ў Токіа.
Георгій Катулін, дырэктар фонду "Дырэкцыя II Еўрапейскіх гульняў - 2019":
"Інтрыга вырашылася. Прэзентаваная лёгкая атлетыка. Камандныя спаборніцтвы, якія ўпершыню адбудуцца ў Мінску".
II Еўрапейскія гульні пройдуць у Беларусі з 21 па 30 чэрвеня 2019 года. Цырымонія адкрыцця адбудзецца на абноўленым пасля рэканструкцыі сталічным стадыёне "Дынама".
