Гомель сустрэў агонь II Еўрапейскіх гульняў

"Полымя міру" працягвае падарожжа па Беларусі. Сёння агонь II Еўрапейскіх гульняў сустрэў Гомель.

Стартавала эстафета  ля Лядовага палаца Гомеля. Агонь пранеслі па магістралях горада да найбуйнейшай кандытарскай фабрыкі Беларусі. Там напярэдадні зрабілі дакладную копію факела  з суцэльнага шакаладу.  У цэлым агонь Еўрапейскіх гульняў па Гомельскім рэгіёне пранясуць больш за 40 чалавек. Гэта спартсмены, прадстаўнікі культуры, навукі і прамысловасці. 

Марыя Мамашук, сярэбраны прызёр Алімпійскіх гульняў па вольнай барацьбе, чэмпіёнка Еўропы: "Гэта вялікі гонар - пранесці факел. Тым больш дома, у Гомелі, на маёй радзіме. І наогул для Беларусі гэта вельмі вялікая і маштабная падзея".

Леанід Гейштар, алімпійскі чэмпіён па веславанні на байдарках і каноэ, чэмпіён свету: "Я хачу павіншаваць усіх гамяльчан са святам спорту. Гэта вельмі вялікае свята. Можа гадоў праз 50 такое яшчэ можа быць. Па ўсёй рэспубліцы, па ўсіх малых гарадах гэтую эстафету прайшлі. Гэта ёсць уздым моладзі, школьнікаў, студэнтаў, каб ведалі. Пройдзе шмат гадоў і будуць успамінаць гэты момант".

У гэтыя хвіліны эстафету "Полымя свету"  сустракаюць на галоўнай плошчы Гомеля канцэртнай праграмай.