Аб недаацэнцы саперніка размовы быць не можа! Галоўны трэнер мінскага "Дынама" Сяргей Гурэнка перад матчам у адказ 2-га раўнда кваліфікацыі Лігі Еўропы са славацкім ДАКам падкрэсліў, што на выездзе беларусам атрымалася здабыць камфортную перавагу 3:1 за кошт дысцыпліны і арганізацыі гульні.
Такім чынам, гульня ў адказ пройдзе заўтра на сталічным стадыёне "Дынама". Прамая трансляцыя сустрэчы пачнецца ў 18:50 на тэлеканале "Беларусь 5". Нагадаем, пераможца двухматчавага супрацьстаяння ў трэцім раўндзе згуляе з "Зенітам" з Санкт-Пецярбурга.
Тым часам Мінскае "Дынама" пакінуў абаронца Юрый Астравух. Кантракт скасаваны па ўзаемнай згодзе бакоў. У складзе "бела-сініх" Астравух правёў два з паловай гады, у 65 матчах ён забіў два мячы і аддаў тры дзейсныя перадачы. Абаронца ўжо папоўніў рады футбольнага клуба "Мінск".
