Фінал Лігі чэмпіёнаў пройдзе ў суботу ў Кіеве

23 Мая 2018

Зусім хутка адбудзецца і адна з галоўных падзей у свеце футбола. Фінал Лігі чэмпіёнаў пройдзе ў суботу ў Кіеве. Але вось ужо некалькі дзён аматары гульні нумар 1 абмяркоўваюць не гатоўнасць "Рэала" або "Ліверпуля", шанцы кожнай з каманд і тактычныя схемы, а касмічны рост цэн на пражыванне і іншыя паслугі ў сталіцы Украіны. Кошт на гасцініцы дасягнуў такой адзнакі, што шматлікія жыхары бясплатна прапануюць балельшчыкам з Іспаніі і Вялікабрытаніі начлег. Андрэй Казлоў палічыў сярэдні чэк наведвання фіналу Лігі чэмпіёнаў.

Гэты гол французскага форварда Карыма Бензема ў выніку выведзе "Рэал" трэці раз запар у фінал Лігі чэмпіёнаў. Футбалісты каралеўскага клуба святкуюць свой поспех, тарсіда з Мадрыда бязмежна шчаслівая.

Неўзабаве настрой балельшчыкаў "Рэала" і другога фіналіста - "Ліверпуля" - зменіцца кардынальна.

На стадыёне "Алімпійскі" ў Кіеве ідзе апошняя падрыхтоўка да гістарычнага для ўкраінскай сталіцы футбольнага матча. Тут праходзілі сустрэчы Алімпіяды-80, фінал Еўра-2012 па футболе. Ідэальна роўны газон чакае, калі на яго ступяць Махамед Салах і Крышціяну Раналду. Гатоўнасць поля ацэньваюць у 4 з паловай балы па пяцібальнай шкале. А 70-тысячныя трыбуны чакаюць аматараў. Бо футбол, як вядома, для іх.

Словы прэзідэнта Федэрацыі футбола Украіны Андрэя Павелкі прыгожыя, але далёка не поўнасцю адпавядаюць рэчаіснасці. Шум першымі паднялі балельшчыкі "Рэала" - адразу 2000 уладальнікаў абанементаў на матчы іспанскага клуба адмовілі ехаць у Кіеў з-за касмічнага росту цэн на пражыванне. А вось кіраўнік дэпартамента "Ліверпуля" па працы з балельшчыкамі Тоні Барэт нават папрасіў прабачэння ў брытанскіх балельшчыкаў, напісаўшы ў сваім Twitter наступнае.

І каб асабіста пераканацца ў касмічных цэнах на гасцініцы ў Кіеве менавіта 26 мая, у дзень фіналу, дастаткова Інтэрнэту. Заходзім на адзін з самых папулярных сайтаў па браніраванні гатэляў, хостэлаў і апартаментаў. Калі доўга і ўважліва шукаць, то можна знайсці цэны ў межах тысячы беларускіх рублёў. І гэта будуць лепшыя варыянты.

Любыя спартыўныя падзеі, якія выклікаюць павышаную цікавасць, прывабліваюць спекулянтаў. Сярэдні чэк на фінал у Кіеве на адну персону можна лёгка палічыць. Па-першае, білет на матч. Возьмем сярэднюю катэгорыю - 1,800 беларускіх рублёў. Радавы пакой у цэнтры ўкраінскай сталіцы праз тыдзень пасля матча будзе каштаваць еўрапейцу 100 беларускіх рублёў, але ў дзень гульні - 1400. Нарэшце пералёт з Мадрыда або Кіева - гэта 500 рублёў у беларускім эквіваленце. Але гэта таксама не ў дзень фіналу. 26 мая пералёт абыдзецца больш як 2000 беларускіх рублёў. У выніку 5200.

Тым не менш адданыя футболу людзі гатовыя нават бясплатна прымаць прыхільнікаў "Рэала" і "Ліверпуля". Сяргей Ільін з Кіева апублікаваў пост, што гатовы даць прытулак двум балельшчыкам зусім бясплатна. У групе ў сацыяльных сетках, дзе прапануюць такія паслугі, ужо зарэгістравалася каля 10000 карыстальнікаў.

Фінал Лігі чэмпіёнаў - адна з дзвюх галоўных падзей футбола ў 2018 нароўні з матчам за Кубак чэмпіянату свету. Гульню пакажа ў прамым эфіры 26 мая тэлеканал "Беларусь 5" у 21:10. Ці будуць трыбуны запоўненыя, даведаемся зусім хутка.