Еўрапейскія алімпійскія камітэты знаходзяць поўнае паразуменне з дырэкцыяй II Еўрагульняў, а арганізацыя саміх Гульняў можа стаць лепшай, чым першых. Такое меркаванне выказаў галоўны эксперт ЕАК па спорце Асімакіс Асімакопулас, які прыняў удзел у рабочым пасяджэнні дырэкцыі спаборніцтваў. Нягледзячы на тое што да старту спаборніцтваў застаецца занадта мала часу, на меркі арганізацыі падобных турніраў, падрыхтоўка Еўрагульняў ужо атрымала высокую ацэнку.
Асімакіс Асімакопулас, галоўны эксперт ЕАК па спорце: "Еўрапейскія гульні ў Мінску будуць цалкам непадобнымі да I Гульняў у Баку. Па-першае, у вас іншая культура, традыцыі, іншы вопыт правядзення спартыўных мерапрыемстваў. Мы чакаем, што II Гульні будуць лепшымі. Галоўнае зараз - гэта рацыянальна і разумна выкарыстаць той малы час, які застаўся да пачатку Гульняў, а гэта ўсяго 16 месяцаў. Хачу адзначыць, што Беларусь у пытанні арганізацыі і падрыхтоўкі да такога буйнога старту рухаецца ў правільным кірунку".
Падобныя сустрэчы будуць праводзіцца і ў наступным. Акрамя таго кіраўніцтва дырэкцыі прыняло рашэнне падлучыць і экспертаў ЕАК у іншых кірунках. II Еўрагульні пройдуць з 21 па 30 чэрвеня 2019 года. І на гэты момант каляндар спаборніцтваў гатовы амаль на 90 працэнтаў. Зараз неабходна ўзгадніць яго з рознымі міжнароднымі структурамі і тэлебачаннем.
