Эстафета "Полымя міру" сёння працягне свой шлях па тэрыторыі Беларусі

13 Мая 2019

Напярэдадні агонь ІІ Еўрапейскіх гульняў байкеры даставілі ў Брэст. Больш як 60 факеланосцаў возьмуць удзел у Брэсцкім абласным этапе эстафеты. Паднімацца агонь будзе на Камянецкую вежу, пабывае ў Белавежскай пушчы, Пінску, Баранавічах.

Як сустракалі "Полымя міру" на Радзіме, раскажа Станіславаў Ліпскі. Амаль 4 тысячы кіламетраў пераадолеў агонь ІІ Еўрапейскіх гульняў на шляху з Рыма, уздым на вяршыню гары Манблан, сустрэчы эстафеты ў Любляне, Брно, Вене, Браціславе, Будапешце, Варшаве ўжо ў мінулым, у кожнай з іх быў свой глянец, усюды былі рады бачыць такі значны сімвал спартыўнай Еўропы. Зараз жа "Полымя міру" зможа ўбачыць асабіста і кожны беларус: агонь ІІ Еўрапейскіх гульняў напярэдадні прыехаў дахаты - беларускія байкеры выканалі сваю няпростую місію.

Аднак, якімі б цёплымі ні былі прыёмы нашай дэлегацыі ў Еўропе, самай душэўнай атрымалася менавіта наша, Брэст да сустрэчы падрыхтаваўся маштабна. Намеснік прэм'ер-міністра Ігар Петрышэнка, Анатоль Котаў, кіраўніцтва горада над Бугам асабіста сустракалі "Полымя міру". І ў нашай краіне першым факеланосцам стала Юлія Несцярэнка, што лагічна - бо алімпійская чэмпіёнка родам з Брэста. Агонь ІІ Еўрапейскіх гульняў ужо ў першы дзень вакол сябе аб'яднаў сотні беларусаў.

Пасля дзяржаўнай граніцы "Полымя міру" сімвалічна асвяціла сцены Брэсцкай крэпасці, а затым было дастаўлена да цэнтральнай плошчы горада над Бугам. Святочны канцэрт стаў апагеем першага дня эстафеты полымя па тэрыторыі нашай радзімы. І гэта толькі першы крок з вялікага падарожжа сімвала ІІ Еўрапейскіх гульняў па тэрыторыі Беларусі

Сёння эстафета крочыць па Брэсце, заўтра агонь Гульняў паднімецца на вяршыню Камянецкай вежы, адразу пасля яго чакаюць у маёнтку Дзеда Мароза ў Белавежскай пушчы. Працягваем жыць спортам разам - да старту Еўрапейскіх гульняў усяго 39 дзён.


Папулярныя

Рэкамендуемыя