Мы не стамляемся радавацца за беларускіх спартсменаў. Напярэдадні стварыла сенсацыю на чэмпіянаце Еўропы па лёгкай атлетыцы ў Берліне Эльвіра Герман. У фінале ў бегу на 100 метраў з бар'ерамі яна паказала час 12,67 секунды. І гэта золата. Адзначым, першае ў беларускай скарбонцы на кантынентальным форуме. Эльвіра выдатна правяла другую частку дыстанцыі і ў фінішным створы апярэдзіла дзвюх немак, якія забралі срэбра і бронзу чэмпіянату - Памэлу Дуткевіч і Сіндзі Роледэр. А пасля фінішу беларуска доўга не магла паверыць у свой поспех. Прэзідэнт Беларусі Аляксандр Лукашэнка павіншаваў Эльвіру Герман з перамогай. Кіраўнік дзяржавы перакананы, што дзякуючы працавітасці, мэтанакіраванасці, выдатнай тэхнічнай падрыхтоўцы бягунка працягне паспяховае станаўленне ў дарослым спорце, пакараючы вышэйшыя прыступкі п'едэсталаў найбуйнейшых спаборніцтваў. Сёння пасля 23:00 адбудзецца цырымонія ўзнагароджання Герман. Нам жа ўдалося звязацца з Эльвірай. І вось каментарыі чэмпіёнкі.
Залатая ўзнагарода Эльвіры Герман стала чацвёртай у скарбонцы нашай каманды на чэмпіянаце Еўропы ў Берліне. Беларусь на шостым месцы ў медальным заліку. Аднак прама зараз у Таццяны Халадовіч ёсць шанец заваяваць яшчэ адзін медаль для краіны. Дзеючая чэмпіёнка Еўропы ў кіданні кап'я ў гэтыя хвіліны змагаецца ў сектары. Прамую трансляцыю вядзе тэлеканал "Беларусь 5".
