Мы не сыходзім з "Мінск-Арэны". Увага балельшчыкаў тут прыкавана і да прадстаўніц мастацкай гімнастыкі. Барацьба проста страшэнная. Бо спаборнічаюць наймацнейшыя спартсменкі Еўропы.
Увесь дзень за супрацьстаяннем нашых грацый назірала Ганна Эйсмант. У яе ёсць вельмі добрыя медальныя навіны для нас. Лідар беларускай зборнай Кацярына Галкіна выйграла бронзу ў індывідуальным мнагабор'і. Мастацкая гімнастыка - адзін з самых эфектных відаў спорта - сабрала практычна поўную "Мінск-Арэну". А я нагадаю, змяшчае яна 15 тысяч гледачоў. Сёння гімнасткі дзялілі апладысменты з акрабатамі, але гэта ніколькі не пагоршыла атмасферу, наадварот.
Спартсмены розных, але роднасных відаў спорту толькі зараджаліся энергіяй адзін ад аднаго. Акрабаты чаргавалі выступленні з гімнасткамі раз праз два - тыя, хто раней не быў блізка знаёмы з акрабатыкай, засталіся ў захапленні. Але мастацкая гімнастыка ў асаблівым прадстаўленні не мае патрэбы. Сёння адбыўся фінал у індывідуальным мнагабор'і. Былі прадстаўлены 12 наймацнейшых гімнастак Еўропы. За Беларусь выступала лідар зборнай Кацярына Галкіна.
Заўтра гімнасткі прадоўжаць змагацца за медалі II Еўрапейскіх гульняў. На "Мінск-Арэне" фіналы ў асобных відах у асобніц, у барацьбу ўступяць зборныя ў групавых практыкаваннях - фіналы ў мнагабор'і і ў асобных відах. Пачатак спаборніцтваў у 14:00. Паралельна пройдуць фіналы і ў акрабатаў. Як заўсёды, у вас ёсць магчымасць убачыць гэта ў эфіры тэлеканала "Беларусь 5". Сачыце за эфірам. І глядзіце Еўрапейскія гульні разам з намі.
