"Дынама", "Тарпеда" і "Шахцёр" правядуць сёння матчы ў адказ другога кваліфікацыйнага раўнда Лігі Еўропы

Жодзінскае "Тарпеда" на сваім полі прыме "Дэбрэцэн". У першым матчы каманда Ігара Крыушэнкі была мацнейшай - 2:1. Прамая трансляцыя сустрэчы на "Беларусь 5" у 19 гадзін. А ў 21:30 на спартыўным канале гульня "Дамжале" (Славенія) - "Шахцёр". Матч у Салігорску завяршыўся ўнічыю - 1:1. Такі ж лік перад паядынкам у адказ і ў супрацьстаянні мінскага "Дынама" і "Сент-Патрыкса" з Ірландыі.