Гэтая гісторыя аб жаночых спартыўных перамогах. Эльвіра Герман стала ледзь ці не галоўнай сенсацыяй сезона ў еўрапейскай лёгкай атлетыцы. Беларуска на легендарным алімпійскім стадыёне ў Берліне ў жніўні гэтага года стала лепшай на кантыненце ў бегу з бар'ерамі на 100 метраў. Дарэчы, год для лёгкай атлетыкі ў нас і зусім атрымліваецца паспяховым, што асабліва радуе напярэдадні II Еўрапейскіх гульняў. Эльвіра Герман у нашым праекце "Справа маладых".
Гэтыя кадры ўнікальныя ў тым сэнсе, што спартсмен, які выступае ў лёгкай атлетыцы на самым высокім узроўні, мае не так шмат вольнага часу. На працягу сезона пастаянныя старты, замежныя зборы і штодзённыя трэніроўкі. Чэмпіёнка Еўропы па лёгкай атлетыцы Эльвіра Герман выбралася на хакей разам са сваім маладым чалавекам Максімам Грабарэнкам.
Гэта здарылася ў пачатку жніўня 2018 у Берліне. Фаварытам фінальнага забегу на 100 метраў з бар'ерамі выглядала іншая беларуска Аліна Талай, якая ў гэтым сезоне пабіла рэкорд краіны, які трымаўся 26 гадоў. Пазней высветліцца, што стаць лепшай ёй перашкодзіць траўма. А вось Эльвіра паднясе адну з галоўных сенсацый кантынентальнага форуму.
Першыя крокі будучай чэмпіёнкі праходзілі тут, на стадыёне ў Пінску. Гэта яшчэ раз пацвярджае той факт, што з любога кутка Беларусі можна падняцца да найвышэйшых вышынь у спорце. Зараз стадыён знаходзіцца на рэканструкцыі, але Пінск заўсёды быў і ёсць спартыўным горадам. У дзяцінстве Эльвіра, распавядае яе мама, заўсёды была рухомым дзіцем. Калі б не лёгкая атлетыка, то абавязкова іншы від спорту.
Пазней пераезд у Мінск і праца з трэнерам Віктарам Мясніковым. Менавіта ён працаваў разам з Алінай Талай. Нягледзячы на сціпласць і адкрытасць, Эльвіра неверагодна сканцэнтраваная спартсменка, пераконвае яе настаўнік.
Спарткомплекс "Працоўныя рэзервы" на сёння Мека беларускай лёгкай атлетыкі. У гэтым спартыўным будынку, які пабудаваны яшчэ ў савецкі час, можна сустрэць фактычна ўсіх беларускіх чэмпіёнаў. Герман не выключэнне.
Наперадзе Еўрапейскія гульні. Бег з бар'ерамі стане ледзь ці не самай галоўнай інтрыгай нават на стадыі адбору. На адно месца для краіны, хай і для краіны-гаспадыні, прэтэндуе дзве высакакласныя спартсменкі і прыгажуні. Сэрца беларускіх балельшчыкаў будзе разрывацца напалам.
