Дар'я Домрачава прапусціць наступны біятлонны сезон

Трохразовая алімпійская чэмпіёнка, уладальніца Вялікага хрустальнага глобуса Дар'я Домрачава прапусціць наступны біятлонны сезон. Як паведаміў яе прадстаўнік, спартсменка хоча аднавіць сілы. Пасля адпачынку Домрачава пачала трэніравацца, але затым у чэмпіёнкі дыягнаставалі монануклеёз. У планах Домрачавай - індывідуальныя трэніроўкі. Наступны месяц, згодна з рэкамендацыямі дактароў, яна правядзе ў палегчаным рэжыме. Далей беларуская біятланістка будзе паступова вяртацца да базавых трэніровак.