7:1. Гэтыя лічбы сёння не абмяркоўвае толькі самы гультаяваты... Чэмпіянат свету ў Бразіліі напярэдадні ўначы паказаў - што такое сапраўдная сенсацыя.
Гаспадары мундыяля ў паўфінале турніру растаптаныя камандай Германіі. Так буйна на гэтай стадыі чэмпіянату не прайграваў ніхто і ніколі.
Як 11 футбалістаў сапсавалі свята двумстам мільёнам бразільцаў - аб гэтым Павел Капуцкі. Аргенціна - Ямайка, 5:0. Немцам для дасягнення такога ліку хапіла трыццаці хвілін. 10-секунднаму роліку, які з'явіўся ў Інтэрнэце пасля гульні, не патрэбен каментарый.
Нямецкую зборную можна параўнаць з цяжкай кружкай нямецкага піва, а можна з нямецкім танкам. Мячы ў бразільскія вароты заляталі, нібы сапернік страляў імі са спецыяльнай усталёўкі. Бразілія іграла без абароны, Германія проста іграла. Пасля другога гала бразільскія балельшчыкі пачалі плакаць, пасля трэцяга рыдаць.
Гаспадары ігралі без капітана Неймара. У матчы з Калумбіяй яму зламалі трэці пазванок паяснічнага аддзела. Капітанская павязка перайшла да Давіда Луіза. І ён нават па мячы не заўсёды трапляў.
Разам з Давідам Луізам плакала ўся Бразілія. За паўтысячы кіламетраў ад Белу-Арызонці ў Рыа прайшоў страшны лівень. Так па зборнай Бразіліі плакалі нябёсы.
Што адбывалася ў Берліне, ды і ва ўсёй Германіі, няцяжка ўявіць і без відэарада. Але гэта не нямецкі, а бразільскі чэмпіянат.
Словы футболам жыла ўся краіна банальныя, але затое становішча апісваюць трапна. Людзі, якія пакідалі стадыён, ірвалі білеты.
Людзі грамілі магазіны і падпальвалі аўтамабілі. Каб іх уціхамірыць, паліцыі прыйшлося выкарыстаць слёзатачывы газ.
Адзін з самых эмацыйных матчаў у гісторыі футбола застаўся ў памяці мільярдаў людзей і, вядома ж, застанецца ў статыстыцы. Гулец бундэсцім Міраслаў Клозе забіў другі мяч у вароты Сезара, які стаў для форварда 16-м на чэмпіянатах свету. Немец стаў лепшым бамбардзірам у гісторыі мундыяляў, пабіўшы рэкорд бразільца Раналда.
На рахунку зубасціка 15 галоў, але кар'еру ён ужо завяршыў. Дарэчы, Раналда бачыў як падае яго рэкорд. Ён са стадыёна каменціраваў матч для адной з бразільскіх тэлекампаній.
У другім тайме саперніка, які знаходзіўся ў накаўце, немцы стукнулі яшчэ двойчы. Напаўжывыя бразільцы змаглі адзін раз адмахнуцца, і суддзя фінальным свістком спыніў збіванне - 1:7. Гэта самае буйное паражэнне ў гісторыі паўфіналаў. Яны не проста не выйгралі Кубак. Ад канцоўкі гэтай казкі зарыдали не толькі дзеці.
Бразільцам патрэбен час. Нішто іншае іх не вылечыць. Шостага Кубка свету ім прыйдзецца чакаць мінімум чатыры гады.
