Бронза, серабро і золата - увесь россып. Адразу 3 медалі заваявала зборная Беларусі па веславанні на байдарках і каноэ на першым у сезоне этапе Кубка свету ў польскай Познані.
Літаральна паўгадзіны таму вышэйшую ўзнагароду камандзе прынеслі Вольга Худзенка і Марына Літвінчук - у заездзе байдарак-двоек на 500 метраў. Нашы дзяўчаты амаль на 2 секунды апярэдзілі апанентак з Бельгіі. Давайце паглядзім - вось такім упэўненым атрымаўся фініш.
Беларускі адзначылі, што, нягледзячы на хуткасць па дыстанцыі, свае карэктывы ўносіў вецер, які прыходзілася ўлічваць. Залаты медаль стаў працягам такога плыўнага пачатку. Сярэбраную ўзнагароду ў скарбонку каманды прынёс Алег Юрэня. Ён стаў другім на дыстанцыі тысяча метраў на байдарцы. У заездзе каноэ на 200 метраў на трэцюю прыступку п'едэстала падняўся Арцём Козыр. Адзначым, веславанне на байдарках і каноэ ўваходзіць у праграму ІІ Еўрапейскіх гульняў. У Мінску 26 і 27 чэрвеня 350 спартсменаў разгуляюць у гэтым відзе 16 камплектаў узнагарод.
